allah ysam7nee

الله ولا الهاجس اللي مايريحني
اسهر عيوني و عناني و عنيته

احــاول اخفيه مير الحزن يفضحني
متمركزن بالحشى كن الحشى بيته

ياللي تعاتب غموضي لا توضحني
ما باقــي بالضمــير الا تناهيـــته

اصــافح الهم قبل انه يصـافحـــني
و احب خشمه و اردد فالخفى ليته

ليته قبل لا تزل خطاي ينصحـــني
ولا يريح خفوقي من عفاريــــــته

و الغالي اللي عليه الشوق ذابحني
اقفــى به الوقت ماجاني ولا جـيته

يا ســيد الغيد قبل لا اقولك بحني
بخــبرك عن كلامن عنك خفيته

تدري وش اكبر خطاي الله يسامحني
اقفايتـي عنك و انت اللي تمــــنيته

و هذا هو اللي معذبني و جارحني
اقول ابنساه و انا ما تناسيــــــته

الشاعر\تركي الميزاني